Þetta gerum við

Við kennum konum í flóttamannabúðum að búa til vörur úr lækningajurtum, bæði til eigin nota og til að afla tekna. Þær fá kennslu á staðnum en líka handleiðslu frá virtum skóla í grasalækningum.

Svona gerum við

Anna Rósa grasalæknir fer á vegum Lífgrasa til Kúrdistan í Írak tvisvar á ári og kennir konum í flóttamannabúðum. Eman, kúrdískur starfsmaður Lífgrasa og nemi í grasalækningum, kennir námskeiðin á milli heimsókna Önnu Rósu.

Námskeiðin

Við erum með ferns konar námskeið í búðunum. Þau eru byggð upp á vali kvennanna sjálfra og þeirra þörfum og þær taka vörurnar með sér heim. Sem dæmi kennum við að búa til vörur fyrir verki og brunasár sem mikil þörf er á. 525 konur hafa sótt námskeiðin okkar 2023.

Herbal Sisters

Verkefnið Herbal Sisters er samstarfsverkefni með The Lotus Flower samtökunum. Frá 2014 hafa þau starfrækt mörg árangursrík verkefni í flóttamannabúðum í Kúrdistan Írak. Starfsfólk hjá The Lotus Flower hefur liðsinnt Önnu Rósu afar vel og fyrir það erum við ákaflega þakklát. Það er einstök gæfa þegar farið er af stað með svona verkefni að njóta liðsinnis fólks með mikla reynslu á þessu sviði.

Hver króna skiptir máli

Þú getur breytt lífi kvenna í flóttamannabúðum með því að efla þær til menntunar.